Ortsgemeinde Maßweiler

Wisse ihr eischentlisch was e Uffbabber iss

 

E Uffbabber is e Dääl wo hinnedruff babbisch is
Awwer net alles was babbisch is, is aa e Uffbabber
Wonns vornedruff babbisch is, donn isses dräggisch - awwer kää Uffbabber
E rischdischer Uffbabber is erschd e Uffbabber wonna wo druffbabbt
Unn ohne dasses hinnedruff babbisch iss, babbts net unn iss deswäe aa kää Uffbabber
Ma nämmt also e Dääl wo e Uffbabber wärre soll, machts hinnedruff babbisch und donn isses e Uffbabber
Wonn e Uffbabber wo druff babbt, donn is des Dääl gebabbt
Zu schääne Uffbabber saat ma aa Schdigger unn die werrn gsommelt
So e Schdiggersommlung beschdeht braggdisch aus lauder Uffbabber.
Awwa donn gäbbts aa noch Uffbabber wo vorne babbisch sin damit ma se ah doisch e Glaasschaib oogugge konn
Des sinn donn "Frondal-Uffbabber" unn die sin märschdens hinne net babbisch, sondern nur vorne.
Außer: sie sin hinne dreggisch, donn kenne se ah wo oobabbe, wo ma se gar net babbe honn will!


Alla isch wollts jo bloß mo gsaat honn

© 2015 - 2020 Ortsgemeinde Maßweiler