Ortsgemeinde Maßweiler

Hallo!

Als erschdes wolle ma uns mo die Zahle oongugge. Die Zahle im pälzische sinn joo gonz ääfach, bei äns fonge ma oon unn bei viel her ma uff.

Dodezwische gäbts nadierlich noch mehr Zahle, unn die will isch aisch net vorenthalde:

 

äns 1
zwää 2
drei 3
vier 4
fünf 5
sechs 6
siwwe 7
acht 8
noi 9
zeh 10
elf 11
zwölf 12
dreizeh 13
värzeh 14
fuffzeh 15
säschzeh 16
sibbzeh 17
achzeh 18
noinzeh 19
zwonsisch 20
äänezwonsisch 21
zwäezwonsisch 22
dreiezwonsisch 23
vierezwonsisch 24
fünfezwonsisch 25
sechsezwonsisch 26
simmnezwonsisch 27
achdezwonsisch 28
noinezwonsisch 29
dreisisch 30
värzisch 40
fuffzisch 50
säschzisch 60
sibbzisch 70
achzisch 80
noinzisch 90
hunnerd 100
dausend 1000
   
   

 

Unn womma sisch im Vaglaisch dodezu zum Beischbiel moo die Zahl ääneachzisch (81) im fronzeesische oonheert (katre-wää-dis-nöff) donn isses im pälzische wärklisch gonz ääfach.

 

So unn jetz komm isch noch uff die Uhrzeide se schbräsche. Mit denne isses im pälzische jo aa so e Sach:

Oongeblich vasteht jeder 'halwa zwölf' was uff hochdeitsch jo 11:30 Uhr bedeit.

Wonn isch jetz awwa 'verdel zwölf' saa, isses fa viel schun schwerer ... 11:15 Uhr ... iss jo eischentlich net schwer.

Soo jetz werds fa die märschde awwa zuviel, sie wolle oda kännes net vastehe: 'dreiverdel zwölf' .... fa e Nichtpälzer is des wie e Buch mit siwwe Sischel. Dodebei isses doch gonz ääfach .... wie in de Mattemadik .... Vertel, Halwa, Dreivertel unn Gons. Also wer wääses ... 'dreiverdel zwölf' iss nix onnres als 11:45 Uhr oder aa 'verdel vor zwölf'. Jetz soll ma awwa känna uff die Idee komme unn männe es gäbt aa 'dreiverdel vor zwölf' ... also so e Quatsch gäbts schunne moo ga net.

Alla isch wollts jo bloß mo gsaat honn.

 

© 2015 - 2020 Ortsgemeinde Maßweiler