Es Pälzer ABC

Der in Völklingen geborene und in der Westpfalz aufgewachsene Dichter Hanns Glückstein hat schon im Jahr 1921  in der Publikation „Pfälzer Land” sein Pfälzer Abc veröffentlicht, auf das es nicht in Vergessenheit gerät:

Pfälzer Laut’ un Frohgebabbel

is e Schbrooch im Sunndaachsklääd.

Uffgebasst! Ich sag eich ewe

so e Muschder-Alphabeth:

Affezibbel, Abbelbäämche,

Atzelaarsch un Affekobb, 

Babbelmäulche, Belzeniggel,

Borzelbaam un Buxeknobb,

Chrischtjan, Dermel, Deiwelsbroode,

Dunsel, Drottel, Duwacksdoos,

Elwetritsch un Entebörzel, 

Eselskobb un Erbsesoos,

Flappes, Fettgans, Farremummel, 

Figgediewes, Fasnaachtskapp, 

Gauzer, Goggel, Grusselköbbche,

Gorgelknobb un Grumbeerbabb. 

Hannebambel, Häbschegugger,

Hutzel, Hoschbes, Hossebu,

Jeschtesmacher, Iwwerrheiner,

Iwwerzwerscher Ischel, du!

Krischer, Knorze, Kroddegiekser,

Knutschebäcker, Knewwelschtock,

Lappes, Loddel, Lumbedeifel,

Lockenoodel, Lotterbock. 

Muschgedunner, Muppesbiewel,

Moppel, Massick, Mollekobb,

Neckarschleimer, Naupe-Unkel,

Nißkobb, Neschtquack, Nollebob.

Orschel, Oos un Ochsetrambel,

Pillwe, Plattkobb, Plaschderstää,

Quellgrumbeere, Quaschdersäckel,

Quetschekuche, Quackelbää.

Rabbelkaschde, Riwwelsüppche,

Rätsche, Rollse, Rummelplanz,

Schoggelgailche, Schawwesdeckel,

Säckel, Socke, Simbelsfrans,

Trolles, Trambel, Tappesmännche,

Ungel, Unmus, Uzerei,

Vochel, Vieh un Vizebumbes,

Wuzzje, Werschtsche, Weck un Wein!

Zores, Zwockel, Ziehamrieme,

Zappe, Zeck un Zwiwwelfee! 

Sodele, jetz bin ich ferdich med meim Pälzer Abc.